GO QUELLA! STRONG WOMEN, STRONG NATION

Capacity building (or capacity building) becomes an important process in which individuals and organizations can improve their abilities needed to do their jobs competently.If this process is successful, it will strengthen the institutions and staff themselves to fulfill their mission over time to time including have a positive impact on lifes and communities. The opportunity to study abroad through the Scholarship program is one way to increase this capacity.

Pascoela (Quella) Barreto is the amazing Coordinator of the Alola Foundation’s HALIKU (Women’s Cancer Support Group) program. She was fortunate and talented enough to receive a scholarship to undertake a 10 week English course at RMIT through the wonderful “Matadalan ba Malu” program. The language and life skills she receives in the coming weeks will equip her to advance the work of Alola in educating the women of Timor-Leste about the importance of early detection of cancer and to advocate for better medical facilities and services to be made available to East Timorese women in country.

“Quella and I are grateful for the support of RMIT, the Andrew McNaughtan Foundation, Alola Australia and of individual friends such as Lyla Coorey who have rallied behind Quella to enable her stay and studies in Melbourne”, wrote Kirsty Sword Gusmao, Chairwoman of the Alola Foundation.

HALIKU, which means “I choose to be healed”, is a group founded by Kirsty Sword Gusmao to increase women’s understanding of prevention, early detection and treatment of breast cancer. After being handed over to the Alola Foundation, a local NGO that contributes to reducing maternal and child morbidity and mortality in women and children in Timor-Leste, HALIKU is increasingly intensifying public education about cancer symptoms and contributing factors including promoting the importance of breast examinations yourself regularly and attend health facilities as soon as the symptoms of cancer are identified.

“Go Quella! Strong women, strong nation! 🇹🇱 💕”, wrote Kirsty Sword Gusmao.

MARSA BA PAZ : MAI ITA HAHU KRIA DAME, PAZ & HARMONIA

Hahu husi ita nia an rasik, husi ita nia familia, husi ita nia sosiedade no nasaun

Atu bele komemora Loron Mundial ba Feto 2019, iha loron Sesta (15/3), Grupu Advokasia Violensia Bazeia Ba Jéneru ne’ebe kompostu husi organizasaun sosiedade sivíl ne’ebe durante ne’e serbisu advokasia ba iha asunto Direitu Humanos no igualdade Jéneru realiza Marsa ba Paz. Kampaun Obrigadu Barak (Sekretariadu Rede Feto) – Caicoli hanesan fatin konsentrasaun antes partisipante sira lao ain hamutuk ba  Jardim Rosa Muki Bonaparte iha Mandarin-Dili. Maizemenus ema atus ida partisipa iha marsa ne’e hanesan reprezentante husi Sekretaria Estadu ba Igualdade no Inkluzaun, membru F-FDTL, PNTL, Representante husi Sekretária Estadu ba Juventude, Prezidente CNJTL no seluk-seluk-tan.

Sra. Maria José Guterres, Diretora Fokupers nu’udar komisaun organizadora esplika ba jornalista nasionál sira katak marsa ba paz ne’e realiza hanesan dalan atu hatudu katak nasaun Timor-Leste, nasaun ida ne’ebe maka demokrátiku, nasaun ida ne’ebe tenke respeita ba direitus umanus, igualdade jéneru, justisa, dame no solidariedade.

Sra. Maria José Guterres, Diretora Fokupers nu’udar komisaun organizadora esplika ba jornalista nasionál sira katak marsa ba paz ne’e realiza hanesan dalan atu hatudu katak nasaun Timor-Leste, nasaun ida ne’ebe maka demokrátiku, nasaun ida ne’ebe tenke respeita ba direitus umanus, igualdade jéneru, justisa, dame no solidariedade.

“Haree ba situasaun jerál iha Timor-Leste dalabarak Ita nia sosiedade la sai fatin ne’ebe seguru , la sai fatin ne’ebe hakmatek ba ema ferik no katuas sira, ba jovens feto no mane, ba labarik feto no mane, ba ema sobreviventes sira nomos vítima sira tanba ne’e ita hakarak halo “Marsa da Paz” ida ne’e atu hatudu katak nasaun Timor-Leste, nasaun ida ne’ebe maka demokrátiku, nasaun ida ne’ebe tenke respeita ba direitus umanus, igualdade jéneru, justisa, dame no solidariedade”, diretora ne’e esplika.

Entertantu, Prezidente Rede Feto Timor-Leste, Sra. Judite Dias Ximenes ne’ebe partisipa iha marsa ne’e fo lia-menon no husu ba estadu atu tau investimentu iha parte sira ne’ebé feto persija, signifika ita hakbi’it feto mak hakbi’it mos nasaun.

“Ita bele luta ba buat hotu maibe importante iha alternative atu integra asuntu feto iha politika estadu nian,”informa Prezidente RFTL.

“Ita bele luta ba buat hotu maibe importante iha alternative atu integra asuntu feto iha politika estadu nian,”informa Prezidente RFTL.

Marsa ne’ebe hetan seguransa husi Polisia Transito ne’e sai hanesan dalan ida fo hanoin ba entidades hotu atu hapara ona diskriminasaun, violasaun direitu humanus hasoru feto no labarik. Lia-fuan oin-oin partisipante sira hakerek iha sira nia pamfletus hanesan “Pas Justisa ba Ema Hotu”, “Hapara Aboju Seksual ba Labarik”, “Hapara Violensia Ekonomiku” no seluk tan.

“Ita nia dever atu tulun prosesu harii dame no harii estabilidade iha rai doben Timor-Leste, estabilidade laos Polisia Timor-Leste nia kna’ar deit maibe ita hahu kria dame, paz no harmonia hahu husi ita nia an rasik, husi ita nia familia, husi ita nia sosiedade no nasaun ne’ebe tane as direitus umanus no igualdade jéneru”, hateten Diretora Fokupers, Sra. Maria José Guterres.


Video barak kona-ba eventu Marsa ba Paz 2019. Produz husi Alolamedia


Ida ne’e photo furak ne’ebe produz husi Alolamedia durante “Marsa ba Paz”.

Diskursu Esposa PR ba Loron Mundiál Feto 2019

Diskursu Esposa Prezidente Republika Timor-Leste, Cidalia Lopez Nobre Mouzinho Guterres iha komemorasaun Loron Mundiál ba Feto, 8 Marsu 2019.

Uluk feto hamrik iha mane nia sorin hodi hamutuk luta ba ukun rasik an no agora mos feto sei hamutuk nafatin ho mane hodi halao dezenvolvimentu”

Loron Mundiál ba Feto sai hanesan loron ida atu rekoñese feto nia direitu, kontribuisaun ba dezenvolve nasaun no luta hapara diskriminasaun no violasaun oin-oin hasoru feto hahu kedas husi uma laran to’o sosiedade. Lia- fuan hirak ne’e hato’o husi Espoza Prezidente Repúblika Cidalia Lopes Nobre Mouzinho Guterres durante komemorasaun Loron Mundial ba Feto iha Suku Fatukero, Munisipiu Ermera.

“Ohin loron, feto nia presenza ba ukun rasik an ida ne’e importante teb-tebes, uluk feto hamrik iha mane nia sorin hodi hamutuk luta ba ukun rasik an no agora mos feto sei hamutuk nafatin ho mane hodi halao dezenvolvimentu tuir méritu ida-idak ne’ebe feto iha”, Cidalia Lopes Nobre Mouzinho Guterres, Espoza Prezidente Repúblika hateten iha Salaun Paróquia Gleno – Ermera.

Liu husi oportunidade ne’e, espoza Prezidente do Republika hanesan inan hanesan feto mos hato’o parabens no hakuak bo’ot ba feto hotu-hotu iha mundu, espesialmente ba feto no feto foinsa’e Timor-Leste, husi lorosae to’o loromonu, husi sidade to’o area rural sira. Hanesan Inan Nasaun nian, espoza Prezidente do Republika ne’e lahaluha fo koragem ba feto sira.

“Feto tenke respeita ita nia an rasik, ita tenke kuidadu ita nia an rasik, ita mos tenke prepara ita nia an rasik, ita mos tenke brani koalia sai ita nia hanoin, no feto tenke fiar an rasik tantu iha familia nomos sosiedadenia leet”, haktuir espoza ne’e.

Komemorasaun ne’ebe organiza husi Asosiasaun Feto Munisipiu Ermera haforsa tan divulgasaun informasaun ba eventu mundiál ne’e, fahe haksolok ba feto iha Ermera hamutuk ho feto forte sira iha Asosiasaun Família Militár (AFAMA), membru Parlamentu Nasionál, membru Governu, lideransa organizasaun juventude nomos sosiedade sivíl. Komemorasaun ne’e rasik fahe iha atividade tolu hanesan vizita inan feton sira iha estabelesimentu prizional Gleno; fahe informasaun kona-ba feto ho saúde ambientál, ekonomia no agrikultura sustentavel ; no atividade ikus mak kuda ai-oan no inagura mini merkadu iha Suku Fatukero.

“FETO TENKE FIAR AN RASIK TANTU IHA FAMILIA NOMOS SOSIEDADE”

Lia-menon husi Espoza Prezidente Repúblika, Cidalia Lopes Nobre Mouzinho Guterres durante komemorasaun Loron mundiál ba Feto ha Munisipiu Ermera.

“Ohin loron, feto nia presenza ba ukun rasik an ida ne’e importante teb-tebes, uluk feto hamrik iha mane nia sorin hodi hamutuk luta ba ukun rasik an no agora mos feto sei hamutuk nafatin ho mane hodi halao dezenvolvimentu tuir méritu ida-idak ne’ebe feto iha”, Cidalia Lopes Nobre Mouzinho Guterres, Espoza Prezidente Repúblika hateten iha Salaun Paróquia Gleno – Ermera.

Photo : Alolamedia@2019/Fransiskus.XS

Loron 8 fulan-Marsu sai hanesan loron kmanek ba feto Timor-Leste tanba iha loron ida ne’e, entidade ou instituisaun oin-oin organiza an atu bele kria atividade hodi selebra Loron Mundiál ba Feto. Ho lema nasionál “ Hanoin Hanesan, Hari’i ho Matenek no Halo Inovasaun ba Mudansa”, selebrasaun Loron Mundiál ba Feto 2019 sai loron espesiál ba feto hotu-hotu laos deit komemora husi instituisaun relevante ho asuntu feto nian deit maibe komemora husi feto hotu tuir kbi’it ne’ebe sira iha. Feto Timor sai ona nain ba selebrasaun ida ne’e, nu’udar momentum importante ida ba sira hodi selebra sira nia progresu no atinjimentu ne’ebe sira hetan.

Sekretária Estadu ba Igualdade no Inkluzaun, S.Exa. Sra. Maria José da Fonseca Monteiro de Jesus durante nia deskursu ba selebrasaun Loron Mundiál ba Feto 2019 hateten katak governu iha kompromisu a’as atu atinji mehi ba sosiedade ida ne’ebé justu no hanesan. Iha tempo hanesan mos nia reforsa katak governo kontinua nafatin halo esforsu hotu atu kria kondisaun ne’ebé fó protesaun no seguransa ba Timor-Oan feto, mane, ema vulneravel no ema sira iha risku.

Komemorasaun Loron Mundiál ba Feto sai tempo atu feto hotu bele halo refleksaun ida kona-ba progresu ne’ebe atinji ona hodi promove no proteje igualdade no direitu umanu hanesan rezultadu ida husi Konferensia Feto Mundial ba Dala Hat ne’ebe halo iha Beijing. Tinan 20 resin ona, Deklarasaun Beijing no Plataforma Asaun implementa ona maibe kuaze um kuartu sentenáriu hafoin nasaun sira asina plaka deklarasaun ne’e feto sira sei enfrenta problema oin-oin.

“Ita liu ona dalan naruk desde tinan 1995, Deklarasaun Beijing no Plataforma Asaun-no tempo ona atu selebra feto sira nian atinjimentu, maibe mos tempo ona atu sukat oinsá feto sira nia direitu preenxidu iha mundu liu-liu direitu ba saúde”, hateten Dr. Rajesh Pandav, reprezentante OMS iha Timor-Leste.

Tinan 20 depois maioria povo Timor-Leste desidi ukun rasik an, ita hetan mudansa positivu barak iha ita nia rai maski nune’e ita nia sosiedade liu-liu ita nia feto maluk sira nafatin hasoru disigualdade iha sira nia moris loron-loron.

“Ita-nia maluk feto barak sei hela iha kondisaun mukit tebes no seidauk goza oportunidade atu kontribui ba prosesu dezenvolvimentu nasionál tanba razaun oin-oin, inklui la remata eskola, isin-rua sedu, laiha kbiit ekonómiku, abuzu seksuál, violénsia bazeia ba jéneru no seluk tan’, hanoin ida husi Fundadora Alola, Sra, Kirsty Sword Gusmao ba Loron Internasional Feto nian

Loron mundiál ba Feto sai hanesan loron ida atu rekoñese feto nia direitu, kontribuisaun ba dezenvolve nasaun no luta hapara diskriminasaun no violasaun oin-oin hasoru feto hahu kedas husi uma laran to’o sosiedade. Lia- fuan hirak ne’e hato’o husi Espoza Prezidente Repúblika Cidalia Lopes Nobre Mouzinho Guterres durante komemorasaun Loron Mundial ba Feto iha Suku Fatukero, Munisipiu Ermera.

“Ohin loron, feto nia presenza ba ukun rasik an ida ne’e importante teb-tebes, uluk feto hamrik iha mane nia sorin hodi hamutuk luta ba ukun rasik an no agora mos feto sei hamutuk nafatin ho mane hodi halao dezenvolvimentu tuir méritu ida-idak ne’ebe feto iha”, Cidalia Lopes Nobre Mouzinho Guterres, Espoza Prezidente Repúblika hateten iha Salaun Paróquia Gleno – Ermera.

Liu husi oportunidade ne’e, espoza Prezidente do Republika hanesan inan hanesan feto mos hato’o parabens no hakuak bo’ot ba feto hotu-hotu iha mundu, espesialmente ba feto no feto foinsa’e Timor-Leste, husi lorosae to’o loromonu, husi sidade to’o area rural sira. Hanesan Inan Nasaun nian, espoza Prezidente do Republika ne’e lahaluha fo koragem ba feto sira.

“Feto tenke respeita ita nia an rasik, ita tenke kuidadu ita nia an rasik, ita mos tenke prepara ita nia an rasik, ita mos tenke brani koalia sai ita nia hanoin, no feto tenke fiar an rasik tantu iha familia nomos sosiedade”, haktuir espoza ne’e.

Komemorasaun ne’ebe organiza husi Asosiasaun Feto Munisipiu Ermera haforsa tan divulgasaun informasaun ba eventu mundiál ne’e, fahe haksolok ba feto iha Ermera hamutuk ho feto forte sira iha Asosiasaun Família Militár (AFAMA), membru Parlamentu Nasionál, membru Governu, lideransa organizasaun juventude nomos sosiedade sivíl. Komemorasau n ne’e rasik fahe iha atividade tolu hanesan vizita inan feton sira iha estabelesimentu prizional Gleno; fahe informasaun kona-ba feto ho saúde ambientál, ekonomia no agrikultura sustentavel ; no atividade ikus mak kuda ai-oan no inagura mini merkadu iha Suku Fatukero.

Antes ne’e, iha Kinta-feira (7/3), Governo RDTL liu husi Sekretária Estadu ba Igualdade no Inkluzaun (SEII) no Ministerio Negósius Estranjeirus no Kooperasaun (MNEC) komemora loron importante ne’e iha Munisipiu Liquica ho lema “Hanoin Hanesan, hari’i ho Matenek no halo Inovasaun ba Mudansa”. Eventu ida ne’e hetan partisipasaun husi membru GMPTL, diplomata sira nomos governo lokal.

Fundasaun Alola hanesan sosiedade sivíl liu husi ninia reprezentante Maria Guterres sente orgulhu tebes bele fahe informasaun kona-ba moras kankru feto nian durante selebrasaun Loron Mundial ba Feto ne’ebe Ministeriu Saude organiza . Jerente Alola ba programa Saude Inan no Oan ne’e haree katak importante tebes atu bele halo koordenasaun iha parte hotu liu-liu husi parte organizasaun sivíl, Ministeriu da saúde no ita nia fasilidade saúde sira atu halo edukasaun ba ita nia komunidade sira kona-ba sinal-sinal sira husi kankru ninian ka risku sira ne’ebe kontribui ba hamosu moras kankru nian.

“Hanesan sosiedade sivíl, ami esforsu maka’as atu halao edukasaun ba iha komunidade sira hanesan sensibilizasaun informasaun kankru feto sira ne’e ba too iha nivel baziku, eduka inan aman no jovens sira liu-liu ba feto sira, agradese ba Ministeriu Saude bele fo oportunidade ba ami hodi fahe informasaun sira ne’e durante komemorasaun Loron Mundial ba Feto”, reforsa Jerente Alola ba programa Saude Inan no Oan ne’e.

This slideshow requires JavaScript.

Fundasaun Alola hanesan organizasaun sosiedade sivíl liu husi programa advokasia organiza selebrasaun ida hamutuk ho feto poténsia husi Suku Manutasi-Munisipiu Ainaro. Ekipa programa Saude – Alola mos hetan konfiansa atu sai orador iha selebrasaun ne’ebe organiza husi Ministeriu Saude hodi fahe informasaun kona-ba moras kankru feto nian. Partisipa iha komunikadu imprensa hamutuk ho membru Rede Feto sira seluk mos sai atividade ida hodi bolu atensaun públiku ba feto nia interese.

#remata

#IWD2019 – A TIME TO SUPPORT WOMEN WHO AFFECTED BY BREAST CANCER

East Timorese women are 8 times more likely to die of breast cancer after diagnosis than Australian women. This is not only due to a lack of treatment options and facilities in Timor-Leste, but also to lack of education on the importance of early detection and prompt medical intervention. I am proud of the work that HALIKU, the Alola Foundation’s women’s cancer awareness program, is doing to change this! If you’d like to show your love for women with breast cancer in Timor-Leste this International Women Day (5 years ago, the Health Ministry officially launched the HALIKU group), make a donation to HALIKU by visiting the Alola Australia website and clicking Donate Now. In the Notes section, please specify that your funds are for Grupo Haliku. Obrigadu Barak, ho DOMIN / Thank you with LOVE 💕

RESPONDE BA DEZIGUALIDADE, ALOLA ADOPTA APROSIMASAUN PROGRAMA INTEGRADU

Suku Caimauk no Suku Manumera, Sai Suku Pilotu

Iha Kuarta Feira (17/10) tinan 2018, Fundasaun Alola lansa ofisialmente projetu foun ho naran Aprosimasaun Programa Integradu (API). Seremonia lansamentu ne’ebe realiza iha salaun administrasaun Turiscai – Munisipiu Manufahi sai hanesan momentum importante ida husi komitmentu Fundasaun Alola hodi lori mudansa signifikante ba situasaun moris feto no labarik sira liu-liu iha area rurais. Liu husi projetu ne’e, rekursu programa 4 ne’ebe Fundasaun Alola iha sei fo konsentrasaun hodi dezenvolve area alvu ida. Ba etapa primeiru, projetu ne’e konsentra iha suku hamutuk 2 iha Postu Administrativu Turiscai mak Suku Caimauk no Suku Manumera.

Inisiativa Fundasaun Alola hodi estabelese projetu API deklara iha Selebrasaun Loron Feto Mundial, 8 Marsu 2018 husi Diretora Ezekutiva Alzira Reis iha Sede Suku Manumera. Liu husi deklarasaun ida e’e, Fundasaun Alola hakarak konkritiza ninia komitmentu ne’ebe durante tinan 17 nia laran ezersa ninia misaun sira atu bele responde ba dezigualidade ne’ebe feto no labarik esperensia iha Timor-Leste.

“Servisu hirak ne’e hanorin ami atu kontinua tau esforsu integradu hodi hatan ba nesesidade no bareira ne’ebe feto no labarik hasoru iha setor saude, edukasaun, ekonomia no partisipasaun iha lideransa hodi foti desizaun iha nivel tomak”, hateten Diretora Alzira Reis.


Hahu husi hanoin ida ne’e Fundasaun Alola deside atu halo projetu pilotu hanaran aprosimasaun integradu iha Suku Kaimauc no Manumera ho objetivu prinsipal mak atu melhorar estatutu nutrisaun ba labarik. Preparasaun naruk Alola halao antes tama ba prosesu lansamentu hanesan kolekta dadus baziku, konsultasaun ho lideransa iha nivel munisipiu, sosializasaun, diskusaun grupu iha nivel postu administrative no ikus preparasaun ba estabelesementu Suku Hadomi Inan ho Oan (SHIO).

“Hau iha esperansa boot katak ho etapa hirak ne’ebe liu ona bele konvense itaboot sira atu ita tau liman hamutuk ba alkansa objetivu ida ne’ebe fo benefisiu ba ita nia Inan no oan sira iha suku rua refere’, lia-menon ida husi Diretora Alola ba lansamentu projetu ne’e.

Diretora ne’e mos reforsa tan katak lansamentu inisitaivu ida ne’e nu’udar pasu inisiu ne’ebe ijiji partisipante ne’ebe marka prezensa iha seremonia refere hodi tau esforsu no komitmentu hahu loron lansamentu too tinan 2 ka 3 mai ba mudansa moris saudavel feto no labarik nian iha suku rua refere.



Lansamentu ba premeiru etapa ne’e simbolikamente halo ho inagurasaun grupu Suku Hadomi Inan no Oan (SHIO) ne’ebe estabelese iha Suku Caimauk no Manumera. Membru vountario grupu SHIO husi suku 2 ne’e hato’o deklarasaun komprimisiu iha autoridade lokal no komunidade nia oin hodi hasae direitu no dignidade inan feto no labarik sira iha sira nia suku.

Administrador do Postu Turiscai, Sr. Julio Godinho durante sesaun abertura durante lansamentu ne’e hato’o ninia apresiasaun ba Fundasaun Alola tanba bele realiza duni ninia komitmentu hodi implementa aprosimasaun integradu.

“Nu’udar Turiscai oan Ami orgulhu tanba programa sira ne’e bele halao iha Postu Administrativu Turiscai hanesan pasu ida oinsá bele haree ba dezenvolvimentu Turiscai nian liu-liu ba iha Suku Caimauk no Suku Manumera”, hateten administrador ne’e iha Salaun Administador do Posto Turiscai.

Entertantu, Jerente Alola ba programa Saude Inan no Oan, Maria Guterres durante seremonia ne’e informa katak projetu SHIO ne’ebe Alola estabelese iha Postu Administrativu Turiscai diferensa ho projetu SHIO iha munisípiu sira seluk tanba grupu SHIO rua ne’ebe inagura ona iha Suku Caimauk no Suku Manumera hanesan parte ida husi inisiativa aprosimasaun programa integradu.

“Baibain, bainhira Alola estabelese grupu SHIO ida, ne’e hanesan parte ida husi programa Saude Inan no Oan deit, maibe agora lae tanba ita hatama tan programa sira seluk ne’ebe iha Fundasaun Alola nia okos hanesan programa edukasaun, ekonomia no advokasia”, Jerente Alola ne’e esplika.


Maria Guterres haktuir mos katak grupu SHIO refere iha papel boot ida atu tau atensaun laos deit ba aspeitu saúde nian deit maibe ba aspeitu seluk hanesan edukasaun, ekonomia no advokasia hodi fo apoio komunidade sira liu-liu ba inan no labarik sira.

“Hau hato’o ba membru SHIO foun sira no benvindo ba Fundasaun Alola tanba ita boot sira sai ona parseiru husi Alola nian hodi hamutuk suporta ita nia feto no labarik sira iha suku 2 refere”, hateten Jerente Alola ba programa Saude Inan no Oan nian.

Seremonia ne’ebe realiza iha Salaun Postu Administrativu Turiscai hetan partisipasaun masimu husi Admnistrador do Postu, Xefe Serbisu Saude Turiscai, Inspectur Edukasaun, Komadante PNTL Eskuarda Turiscai, lideransa lokal sira, konselhu suku, joventude, feto potensial, membru grupu SHIO Caimauk no Manumera nomos komunidade.

Julio Godinho, nu’udar reprezentante governo nian, durante lansamentu ne’e mos fo koragem ba membru grupu SHIO husi suku 2 ne’e atu bele sai motivador iha komunidade nia laran hodi bele hadia sira nia moris.

“Ita boot sira hanesan ema motivador no influensador, oinsá atu bele motiva no influensia ita nia inan aman sira atu bele hadia diak liu-tan kualidade moris liu-liu iha area nutrisaun labarik sira”, haktuir Administrador do Postu Turiscai.


Dadus hatudu katak 70 pursentu husi populasaun Timor-Leste moris iha area rural no 35 pursentu mak feto tamba ne’e persija tebes kolaborasaun ema hotu nian atu kontinua haforsa setor importante sira hanesan melhorar saude inan ho oan, fornese oportunidade asesu ba eskola no hadia kualidade edukasaun no proteje labarik sira husi violensia oin-oin ne’ebe trava sira nia kresimentu no dezenvolvementu.

“Ami presiza nafatin tulun atu nune’e bele hafanun ami feto ne’ebe hela iha area rural atu bele hatutan ba maluk sira ne’ebe la bele partisipa iha selebrasaun ida ne’e”, rekomendasaun ida husi Sra. Isabel de Jesus, Chefe Suku Manumera iha selebrasaun ne’e.

#remata

MOMENTUM #IWD2018:

SUKU MANUMERA – TURISCAI SAI FATIN KONSENTRASAUN ALOLA BA SELEBRASAUN LORON FETO MUNDIAL 2018

Iha loron 14 Marsu 2018, Ekipa programa Fundasaun Alola hakat ba Postu Administrativu Turiscai organiza atividade selebrasaun Loron Internasional ba Feto hamutuk ho inan feto sira iha ne’eba. Atividade ne’e rasik konsentra iha Suku Manumera, nu’udar suku alvu ida ne’ebe durante ne’e hetan benifisiu husi programa Alola, liu-liu programa Edukasaun.

Seremonia Loron Internasional ba Feto ne’ebe organiza iha Suku Manumera sei halao kompleta atividade lubuk ida ne’ebe ekipa Alola organiza. Atividade ne’ebe foti lema nasional “Tempo To’o Ona-Mai Ita Promove No Tane As Liman Badaen Feto Timor-Leste” hanesan dalan ida hodi habelar liu-tan informasaun kona-ba progresu feto nia ne’ebe iha ba inan feto sira iha fatin rural sira.

Diretora Ezekutiva Alola, Alzira Reis photo hamutuk ho feto forte iha Turiscai

“Iha loron ida ne’e mundu rekonese ita nia luta no ita mos tenke rekonese rasik luta nasional ne’ebe ita nia feto maluk sira halo tanba ne’e ita hamutuk iha ne’e alende ita kontente , ita mos hanoin fila-fali hodi halo refleksaun katak loron ida ne’e signifika saida ba hau hanesan feto ida”, esplika Diretora Fundasaun Alola, Alzira Reis durante introduz programa.

Atividade ne’ebe realiza liu husi apoio SEIGIS no IWDA halibur parte oin-oin hahu husi estudante, feto iha komunidade, jovens fteo, asosiasaun feto, chefe suku, reprezentante asosiasaun feto Manufahi, ofisial suku PNTL no autoridade lokal. Atividade ne’e rasik ofisialmente loke husi Administrador do Posto Turiscai, Julio Gonindo ho lia agradesementu ba inisiativa husi Fundasaun Alola atu bele hakat ba Suku Manumera, selebra hamutuk komunidade refere.

“Atividade ida ne’e mos sai matadalan, sai hanesan bukae ida atu bele loke ita nia hanoin, fo motivasaun ba ita oinsa para bele prepara ita nia oan didiak hodi bele fo kontribuisaun buta ruma ba paz no estabilidade no dezenvolvimentu rai ida ne’e” hatete Administrador do Posto ne’e bainhira halao abertura iha Sede Suku Manumera – Turiscai.

Administrador do Posto Turiscai, Julio Gonindo fo lia-menon

Atividade komemorasaun ne’ebe halao hanesan atividade ba dala uluk organiza iha Suku Manumera no sei fo motivasaun ba inan feto sira atu bele iha koragem nafatin, kontinua feto luta nain sira liu-liu fo kontribuisaun ba dezenvolvimentu. Natercia Simoes, Vice Assosiasaun Feto Posto Administrativu Turiscai iha ninia lia menon haktuir katak oppurtunidade ne’ebe Fundasaun Alola liu husi atividade komemorasaun sei fo benifisiu direta ba inan feto nia hanoin tanba bele hetan informasaun diak kona-ba feto nia moris no feto nia luta.

“Nu’udar feto hau hakarak husu feto maluk sira nomos alin sira atu partisipa ativu nune’e ita bele aproveita buat ruma, ita bele aprende buat ruma oinsa ita bele muda ita nia an, bele muda ita nia oan sira”, hateten Vice Assosiasaun feto ne’e.

Durante atividade ne’ebe konsentra iha Sede Suku Manumera, ekipa Fundasaun Alola mos introduz plano programa ne’ebe sei realiza iha futuru ne’ebe bolu “Aprosimasaun Intergradu”.